حبيت اخبركم عن طلبات الحريموحسب ابجدية الحروف بس ترانا ما نطلب وايد..
أ....أبي فلوس معزومة على حفلة شاي بالضحى.
ب...بكرة توديني بيت اهلي عندهم عزيمة.
ت...ترى اليوم ماني مسوية عشاء روح المطعم هات عشاء.
ث...ثلاث اسابيع ما طلعنا اليوم ودني الملاهي.
ج...جيب خدامة تساعدني بشغل البيت ( واليت نص شقة شوف القهر)
ح...حبيبي ودي بساعة نيناريتشي مليت من ساعة جيفينشي ( توها متذكرة الحب)
خ...خل عنك ربعك اليوم انا عازمتك على العشاء بس انت تدفع الحساب.
د...دور لنا فيلة على ثلاث شوارع وفيها مسبح.
ذ...ذيك السنة (قبل عشر سنوات) قلت لك اشتر سيارة فان اوسع الى الان ما شريت.
ر...روح قدم على اجازة خلنا نسافر لاوروبا.
ز...زود مصروف البيت هذا ما يكفي اغراض البيت ومعظم الفلوس عليها وعلى خرابيطها!!
س...سجاد البيت صار قديم غيره يا اخي ( والسجاد ما كمل سنة )
ش...شيل ولدك شفيه يصيح انا تعبت من العيال.
ص...صفف ملابسك شفيها متنثرة في كل مكان مليت وانا القط وراك .
ض...ضبط اوضاعك ترى كبرت المسؤولية توها والدة .
ط...طالع السيارة سكراب تفشل قديمة (باختصار نبي اخر موديل)
ظ...الظاهر انك ما تحبني ما شريت لي طقم الالماس اللي ابيه.
ع...عيوني اليوم شفت زوجة اخوي لابسة فستان يجنن بخاطري واحد مثله .
غ...غير اسلوبك معاي كله برود.
ف...فديت قلبي وين بتسفرنا هذا الصيف .
ق...قدر يا اخي كل شغل البيت على راسي وساعدني شوي.
ك...كفاية مليت من هالبيت شوف لنا بيت اكبر.
ل...لي متى بنظل محبوسين في هالبيت ما نطلع مثل خلق الله .
م...متى بتودنا لندن مثل ما وعدتني قبل .
ن...نبي نحجز شاليه في شرم الشيخ طوال الصيف لا تنسى.
ه...ها عاد ترى اروح بيت اهلي !! اذا انت مو قد الزواج وتكاليفه ليش تزوجتني؟!
و...ورني شطارتك وروح عند اخوك وخذ منه الورث (راعية مشاكل)
ي...يالله ايدك على 500 دينار رضاوة لانك زعلتني وكسرت خاطري ما ينلام والله.
عسى عجبتكم الطلبات الحلوة...
![][A7la Mlak][](https://2img.net/u/4011/33/26/51/avatars/10-79.gif)
السبت مارس 22, 2008 12:11 am
